Mae’n bryd i fyfyrwyr wneud cais am gyllid myfyrwyr!
Mae’r cyfnod ar gyfer gwneud ceisiadau am gyllid myfyrwyr israddedig llawn-amser wedi agor erbyn hyn. Y ffordd hawsaf i fyfyrwyr wneud cais yw ar-lein drwy wefan Cyllid Myfyrwyr Cymru (yn agor mewn tab newydd) website. Ni ddylai gymryd mwy na thua 30 munud iddynt wneud cais.
Cofiwch ddweud wrth fyfyrwyr sy’n parhau â’u hastudiaethau y bydd angen iddynt wneud cais o’r newydd am eu cyllid myfyrwyr, a hynny hefyd drwy eu cyfrif ar-lein.
Dylech annog myfyrwyr i wneud cais cyn y dyddiad cau er mwyn sicrhau bod eu cyllid yn barod ar gyfer dechrau eu cwrs:
Myfyrwyr newydd – 4 Mehefin
Myfyrwyr parhaus– 25 Mehefin
Gall myfyrwyr wneud cais am gyllid hyd yn oed os nad oes lle wedi’i gadarnhau ar eu cyfer eto ar gwrs. Dylent roi manylion y cwrs y maent yn ei ffafrio i ni a’u newid yn nes ymlaen os oes angen.
Bydd y cyfnod i fyfyrwyr ôl-raddedig a myfyrwyr rhan-amser wneud cais yn agor yn yr haf.
Pa gyllid sydd ar gael yn 2021 i 2022?
Rhannwch ein tudalen ar gyfer ymgyrch 2021 i 2022 a’n ffilm ‘Darganfod cyllid myfyrwyr’ (yn agor mewn tab newydd) er mwyn rhoi gwybod i fyfyrwyr pa gyllid y gallant wneud cais amdano.
Helpwch ni i sicrhau bod ein negeseuon ar Facebook a Twitter a’n fideos ar YouTube yn cyrraedd mwy o fyfyrwyr drwy rannu ein negeseuon!
Newyddion cysylltiedig
2022 i 2023: Ymunwch â’n rhestr bostio er mwyn helpu myfyrwyr i fod yn barod!
Mae disgwyl i’r cyfnod ar gyfer gwneud ceisiadau am gyllid myfyrwyr i astudio cyrsiau israddedig llawn-amser yn ystod blwyddyn academaidd 2022 i 2023 ddechrau ym mis Mawrth 2022.
Ceisiadau gan fyfyrwyr israddedig rhan-amser a myfyrwyr ôl-raddedig ar gyfer 2021 i 2022: Ymunwch â’n rhestr bostio!
Rydym wedi’i gwneud yn haws i fyfyrwyr ac ymarferwyr gael gwybod pryd y bydd y cyfnod yn agor i fyfyrwyr israddedig rhan-amser a myfyrwyr Gradd Meistr a Doethuriaeth ôl-raddedig wneud ceisiadau ar gyfer blwyddyn academaidd 2021 i 2022!
Mae’n bryd i fyfyrwyr wneud cais am gyllid myfyrwyr!
Mae’r cyfnod ar gyfer gwneud ceisiadau am gyllid myfyrwyr israddedig llawn-amser wedi agor erbyn hyn.