Cymorth Arbennig
Caiff Cymorth Arbennig ei ddyfarnu i fyfyrwyr sy’n hawlio rhai budd-daliadau’n ymwneud ag incwm, a bwriedir iddo helpu gyda chostau megis llyfrau, cyfarpar cyrsiau a theithio.
Os ydych yn gymwys i gael Cymorth Arbennig, bydd yr Adran Gwaith a Phensiynau yn diystyru eich hawl i grant hyd at uchafswm o £5,161 wrth gyfrifo unrhyw fudd-daliadau y mae gennych hawl iddynt.
Yn eich llythyr hysbysiad o hawl, bydd Cymorth Arbennig yn cael ei alw’n Grant Cymorth Arbennig.
I gael cyngor a gwybodaeth am ddim am fudd-daliadau lles a gwasanaethau eraill, cysylltwch â Cyngor ar Bopeth Cymru.
Os gwnaethoch ddechrau eich cwrs ar 1 Medi 2018 neu wedi hynny
Byddwch yn cael Benthyciad Cynhaliaeth ar gyfradd uwch, a gaiff ei ddyfarnu gyda’r Grant Cynhaliaeth. Bydd y swm y byddwch yn ei gael yn dibynnu ar incwm eich cartref ac ar ble’r ydych yn byw ac yn astudio.
Mae’n bosibl hefyd y bydd Cymorth Arbennig yn cael ei alw’n Daliad Cymorth Arbennig.
Mae’r tablau hyn yn dangos amcangyfrif o’r swm y gallech ei gael ar sail incwm eich cartref, sy’n cynnwys Cymorth Arbennig:
2024 i 2025
| Incwm eich cartref | Yn byw gyda’ch rhieni | ||
|---|---|---|---|
| Benthyciad | Grant | Cyfanswm | |
| £18,370 neu lai | £4,655 | £6,885 | £11,540 |
| £25,000 | £4,655 | £5,930 | £10,585 |
| £35,000 | £5,827 | £4,488 | £10,315 |
| £45,000 | £7,268 | £3,047 | £10,315 |
| £59,200 neu fwy | £9,315 | £1,000 | £10,315 |
| Incwm eich cartref | Ddim yn byw gyda’ch rhieni ac yn astudio y tu allan i Lundain | ||
|---|---|---|---|
| Benthyciad | Grant | Cyfanswm | |
| £18,370 neu lai | £5,575 | £8,100 | £13,675 |
| £25,000 | £5,575 | £6,947 | £12,522 |
| £35,000 | £6,942 | £5,208 | £12,150 |
| £45,000 | £8,681 | £3,469 | £12,150 |
| £59,200 neu fwy | £11,150 | £1,000 | £12,150 |
| Incwm eich cartref | Ddim yn byw gyda’ch rhieni ac yn astudio yn Llundain | ||
|---|---|---|---|
| Benthyciad | Grant | Cyfanswm | |
| £18,370 neu lai | £7,085 | £10,124 | £17,209 |
| £25,000 | £7,085 | £8,643 | £15,728 |
| £35,000 | £8,762 | £6,408 | £15,170 |
| £45,000 | £10,996 | £4,174 | £15,170 |
| £59,200 neu fwy | £14,170 | £1,000 | £15,170 |
2023 i 2024
| Incwm eich cartref | Yn byw gyda’ch rhieni | ||
|---|---|---|---|
| Benthyciad | Grant | Cyfanswm | |
| £18,370 neu lai | £4,475 | £6,885 | £11,360 |
| £25,000 | £4,475 | £5,930 | £10,405 |
| £35,000 | £5,462 | £4,488 | £9,950 |
| £45,000 | £6,903 | £3,047 | £9,950 |
| £59,200 neu fwy | £8,950 | £1,000 | £9,950 |
| Incwm eich cartref | Ddim yn byw gyda’ch rhieni ac yn astudio y tu allan i Lundain | ||
|---|---|---|---|
| Benthyciad | Grant | Cyfanswm | |
| £18,370 neu lai | £5,360 | £8,100 | £13,460 |
| £25,000 | £5,360 | £6,947 | £12,307 |
| £35,000 | £6,512 | £5,208 | £11,720 |
| £45,000 | £8,251 | £3,469 | £11,720 |
| £59,200 neu fwy | £10,720 | £1,000 | £11,720 |
| Incwm eich cartref | Ddim yn byw gyda’ch rhieni ac yn astudio yn Llundain | ||
|---|---|---|---|
| Benthyciad | Grant | Cyfanswm | |
| £18,370 neu lai | £6,815 | £10,124 | £16,939 |
| £25,000 | £6,815 | £8,643 | £15,458 |
| £35,000 | £8,227 | £6,408 | £14,635 |
| £45,000 | £10,461 | £4,174 | £14,635 |
| £59,200 neu fwy | £13,635 | £1,000 | £14,635 |
Enghreifftiau’n unig yw’r ffigurau sydd yn y tablau. Byddwch yn cael llythyr hysbysiad o hawl a fydd yn dweud wrthych faint y byddwch yn ei gael yn ystod y flwyddyn academaidd.
Bydd angen i chi roi gwybod i ni os bydd eich amgylchiadau’n newid yn ystod eich cwrs i wneud yn siŵr eich bod yn cael y cymorth y mae gennych hawl iddo.
Bydd yn rhaid i chi ad-dalu eich Benthyciad Cynhaliaeth, gan gynnwys llog, pan fyddwch wedi gorffen neu adael eich cwrs. Nid oes angen i chi ad-dalu eich grant.
Os byddwch yn 60 oed neu hŷn ar ddechrau eich cwrs, ni fyddwch yn gymwys i gael Benthyciad Cynhaliaeth.
Os gwnaethoch ddechrau eich cwrs ar 1 Medi 2012 neu wedi hynny ond cyn 1 Medi 2018
Ni fydd swm y cyllid y mae gennych hawl iddo’n newid os bydd Cymorth Arbennig yn cael ei ddyfarnu i chi. Dyma gyfle i chi gael gwybod beth sydd ar gael yn ystod blwyddyn academaidd 2024 i 2025 a blwyddyn academaidd 2023 i 2024. Bydd hyd at £5,161 o’ch Grant Dysgu Llywodraeth Cymru yn cael ei ystyried yn Gymorth Arbennig.
Mae’n bosibl hefyd y bydd Cymorth Arbennig yn cael ei alw’n Grant Cymorth Arbennig.
Os byddwch yn 60 oed neu hŷn ar ddechrau eich cwrs, ni fyddwch yn gymwys i gael Benthyciad Cynhaliaeth.
Pwy sy’n gymwys
Mae’n bosibl y byddwch yn gymwys i gael Cymorth Arbennig os oes unrhyw un o’r canlynol yn berthnasol i chi:
- rydych yn rhiant sengl neu’n rhiant maeth sengl, ac mae gennych blentyn neu berson ifanc dan 20 oed sy’n cael addysg lawn-amser ar lefel sydd islaw addysg uwch
- mae eich partner hefyd yn fyfyriwr, ac mae un ohonoch neu’r ddau ohonoch yn gyfrifol am blentyn neu berson ifanc dan 20 oed sy’n cael addysg lawn-amser ar lefel sydd islaw addysg uwch
- mae gennych anabledd ac rydych yn gymwys i gael y Premiwm Anabledd neu’r Premiwm Anabledd Difrifol
- rydych yn fyddar ac rydych yn gymwys i gael Lwfans Myfyrwyr Anabl
- rydych wedi cael eich trin fel rhywun nad yw’n gallu gweithio am o leiaf 28 wythnos
- mae gennych anabledd ac rydych yn gymwys i gael Lwfans Cyflogaeth a Chymorth yn seiliedig ar incwm
- rydych yn gymwys i gael Budd-dal Tai
- rydych yn gymwys i gael yr elfen Tai sy’n perthyn i Gredyd Cynhwysol
- mae gennych hawl i gael Taliad Annibyniaeth Personol
- mae gennych hawl i gael Taliad Annibyniaeth y Lluoedd Arfog
- mae gennych hawl i gael Lwfans Byw i’r Anabl
- rydych yn disgwyl dychwelyd i gwrs ar ôl cymryd amser a gytunwyd allan o’r cwrs hwnnw oherwydd salwch neu gyfrifoldeb gofalu sydd wedi dod i ben erbyn hyn
- rydych yn 60 oed neu hŷn.
Sut mae gwneud cais
Gallwch wneud cais ar-lein yn rhan o’ch prif gais am gyllid myfyrwyr.
Os byddwch yn gwneud cais am Gymorth Arbennig ar ôl i chi wneud eich prif gais am gyllid myfyrwyr, dylech anfon llythyr eglurhaol atom sy’n nodi pam yr ydych am wneud cais am Gymorth Arbennig a dylech gynnwys y dystiolaeth sy’n ofynnol.
Os byddwch yn 60 oed neu hŷn ar ddechrau eich cwrs, byddwch yn cael eich asesu ar gyfer Cymorth Arbennig a Grant Cynhaliaeth yn unig oherwydd ni fydd gennych hawl i wneud cais am Fenthyciad Cynhaliaeth.
Anfon tystiolaeth atom
Bydd angen i chi ddarparu tystiolaeth i ddangos eich bod yn cael un o’r budd-daliadau a restrir uchod, er enghraifft llungopi o’ch llythyr dyfarnu Taliad Annibyniaeth Personol neu’ch llythyr dyfarnu Budd-dal Tai.
Bydd angen i chi ddarparu tystiolaeth yn ystod pob un o flynyddoedd academaidd eich cwrs os byddwch am wneud cais am Gymorth Arbennig ar gyfer pob un o’r blynyddoedd hynny.
I gael rhagor o wybodaeth am anfon tystiolaeth atom, edrychwch ar ein tudalen canllaw tystiolaeth.
Cael eich talu
Byddwn yn talu eich arian i mewn i’ch cyfrif banc, 3 gwaith y flwyddyn fel rheol, ar ddechrau pob tymor.
I gael rhagor o wybodaeth am gael eich talu, edrychwch ar ein tudalen canllaw talu.