Canllaw Taliadau LCA

Bydd eich taliadau'n dechrau ar ôl i’ch ysgol neu goleg ddweud wrthym:

• eich bod wedi llofnodi eich cytundeb LCA
• eich bod yn mynychu fel y cytunwyd arno

Ni fyddwn yn talu LCA i chi os nad ydych yn mynychu eich cwrs. Mae hyn yn cynnwys yn ystod gwyliau ysgol a choleg.

Os ydych yn meddwl eich bod wedi colli taliad LCA, siaradwch â’ch ysgol neu goleg.

I gael LCA dylech fod yn mynychu'r ysgol neu'r coleg yn llawn amser am o leiaf 12 awr yr wythnos ac yn astudio cwrs cymwys. Mae cyrsiau’n cynnwys Sgiliau Byw’n Annibynnol neu, os yn astudio yn Lloegr, 'Preparation for Adulthood'. Rhaid i’ch cwrs fod ddim llai na 10 wythnos o hyd.

Mae’r tabl canlynol yn dangos pryd y gellir disgwyl taliadau LCA ar gyfer eich presenoldeb mewn ysgol neu goleg.