Darganfod cyllid myfyrwyr
Mae’n bryd gwneud cais am gyllid myfyrwyr israddedig amser llawn!
Mae ceisiadau cyllid myfyrwyr israddedig amser llawn ar gyfer y flwyddyn academaidd 2025 i 2026 nawr ar agor ar gyfer myfyrwyr newydd ac sy’n parhau.
Os ydych yn gymwys ar gyfer cyllid Ffioedd Dysgu yn unig, dylech wneud cais gan ddefnyddio'r ffurflen gais Benthyciad Ffioedd Dysgu.
Gallwch wneud cais a rheoli eich cyfrif cyllid myfyrwyr yn Gymraeg yn ogystal â Saesneg.
Myfyrwyr israddedig amser llawn newydd
Peidiwch â phoeni os gwnaethoch chi golli'r dyddiad cau o 23 Mai, gallwch chi barhau i wneud cais am gyllid myfyrwyr ar gyfer 2025/26!
Mae’n gyflym ac yn hawdd gwneud cais ar-lein – dim ond tua 30 munud y mae’n ei gymryd i wneud cais gyda’ch:
- Manylion pasbort
- Rhif Yswiriant Gwladol
- Manylion banc
Os na allwch ddod o hyd i’ch rhif Yswiriant Gwladol, gallwch ei weld yn yr ap CThEF (yn agor mewn tab newydd).
Nid oes angen lle wedi’i gadarnhau arnoch mewn prifysgol neu goleg i wneud cais – gwnewch gais gyda’ch dewis a diweddarwch eich manylion yn ddiweddarach os oes angen.
Os penderfynwch beidio â mynd i’r brifysgol neu’r coleg eleni, gallwch ganslo’ch cais ar-lein, felly ymgeisiwch cyn gynted â phosibl pan fydd ceisiadau’n agor!
Pwy all gael cyllid myfyrwyr
Dylech fod yn gymwys i gael cyllid gan Gyllid Myfyrwyr Cymru os:
- ydych yn ddinesydd y DU neu os oes gennych statws preswylydd neu gyn-sefydlog yn y DU o dan y Cynllun Preswylio’n Sefydlog i Ddinasyddion yr UE
- ydych fel arfer yn byw yng Nghymru
- ydych wedi byw yn y DU am 3 blynedd cyn dechrau eich cwrs
- byddwch yn astudio cwrs addysg uwch cymwys mewn coleg neu brifysgol yn y DU
- nad oes gennych gymhwyster addysg uwch yn barod
I gael rhagor o wybodaeth am y rheolau ynghylch a oes cyllid ar gael i chi a'r cwrs yr ydych yn bwriadu ei astudio, ewch i'n tudalen pwy sy'n gymwys.
Beth sydd ar gael
Yn ystod y flwyddyn academaidd, bydd gan y mwyafrif o fyfyrwyr ddau brif gost i’w dalu: ffioedd dysgu a chostau byw. Rydyn ni yma i helpu gyda'r ddau!
- Benthyciad Ffioedd Dysgu – hyd at £9,535 (ar gyfer myfyrwyr israddedig)
Gallech gael help gyda chostau byw sy’n cynnwys cymysgedd o:
- Benthyciad Cynhaliaeth (ar gyfer myfyrwyr israddedig)
- Grant Cynhaliaeth – nid oes angen i chi ad-dalu hwn (ar gyfer myfyrwyr israddedig)
I gael gwybod pa gyllid y mae gennych hawl iddo ar sail incwm eich cartref, ewch i’n tudalen ynghylch beth sydd ar gael.
Os ydych yn fyfyriwr annibynnol neu wedi ymddieithrio oddi wrth eich rhieni, darganfyddwch beth sydd angen i chi ei wneud.
Gallwch gael cymorth ychwanegol gan Gyllid Myfyrwyr Cymru os oes gennych blant neu oedolyn sy’n ddibynnol arnoch yn ariannol. Mae cymorth ychwanegol ar gael hefyd i fyfyrwyr ag anabledd neu gyflwr iechyd hirdymor.
Myfyrwyr israddedig amser llawn sy’n parhau
Peidiwch â phoeni os gwnaethoch chi golli'r dyddiad cau o 27 Mehefin, gallwch chi barhau i wneud cais am gyllid myfyrwyr ar gyfer 2025/26!
Os ydych chi'n fyfyriwr sy'n parhau, mae'r broses ymgeisio hyd yn oed yn haws. Y cyfan sydd angen i chi ei wneud yw:
- Mewngofnodwch i'ch cyfrif.
- Dewiswch ‘ceisiadau cyllid myfyrwyr israddedig’.
- Cliciwch ar ‘ailymgeisio nawr’.
- Cliciwch ‘Ailymgeisio neu gychwyn cais arall’.
- Cwblhewch eich cais a gwasgwch Cyflwyno!
Ydych chi'n rhiant neu'n bartner?
Unwaith y bydd eich plentyn neu bartner wedi gwneud cais am gyllid myfyriwr, byddwn yn anfon e-bost atoch i gefnogi eu cais.
Gallwch ddewis cefnogi cais y myfyriwr â manylion am incwm eich cartref, er mwyn iddo/iddi gael cymaint o grant ag sy’n bosibl yn hytrach na benthyciad. Ewch i’n tudalen Gwybodaeth i rieni a phartneriaid i gael rhagor o wybodaeth.
Mae angen i chi ddarparu manylion incwm eich cartref bob blwyddyn o gwrs y myfyriwr.
Cyllid ar gyfer astudiaethau ôl-raddedig
Mae ceisiadau cyllid myfyrwyr ôl-raddedig yn 2025 i 2026 nawr ar agor!
Gwiriwch bopeth sydd angen i chi ei wybod cyn ymgeisio:
Myfyrwyr rhan-amser
Disgwylir i geisiadau israddedig rhan-amser nawr ar agor!
Dysgwch beth sydd ar gael a rhagor o wybodaeth am gyllid i fyfyrwyr.
Ad-dalu eich benthyciad myfyriwr
Ni fyddwch yn dechrau ad-dalu’ch benthyciad myfyriwr tan y mis Ebrill ar ôl i chi orffen neu adael eich cwrs a’ch bod yn ennill dros y trothwy ad-dalu, sef £547 yr wythnos ar hyn o bryd, £2,372 y mis neu £28,470 y flwyddyn.
Mae faint rydych chi’n ei ad-dalu yn seiliedig ar faint rydych chi’n ei ennill, nid faint rydych chi wedi’i fenthyca.
Ewch i'n tudalen ad-dalu eich benthyciad myfyrwyr am ragor o wybodaeth.
Lwfans Myfyrwyr Anabl
Gallwch wneud cais am Lwfans Myfyrwyr Anabl (DSA) os oes gennych anabledd, salwch hirdymor neu gyflwr iechyd meddwl fel: dyslecsia, awtistiaeth, ADHD, gorbryder ac iselder. Edrychwch ar ein tudalen DSA am ragor o wybodaeth a darganfod pa gymorth sydd ar gael.
Gall DSA ddarparu offer arbenigol a chymorth arall yn ystod eich astudiaethau, megis:
- gliniadur
- cymerwyr nodiadau ar gyfer dosbarthiadau
- costau teithio
- meddalwedd darllen sgrin
Caiff y cais am DSA ei adolygu ar wahân i'ch prif gais am gyllid i fyfyrwyr a gall gymryd hyd at 14 wythnos i'w gymeradwyo. Ymgeisiwch heddiw i wneud yn siŵr bod gennych bopeth yn ei le yn barod ar gyfer dechrau’ch cwrs.
Cadwch lygad ar ein Facebook (yn agor mewn tab newydd) a X (yn agor mewn tab newydd) am ddiweddariadau.