Beth i’w ddisgwyl o’ch Asesiad Anghenion Lwfans Myfyrwyr Anabl (DSA)
Eich Asesiad Anghenion – Beth sydd angen i chi ei wybod
Beth yw Asesiad Anghenion a pham mae angen un arnoch chi?
Cyn y gallwch gael cefnogaeth DSA, mae angen i chi gael Asesiad Anghenion. Nid yw’n brawf, mae’n gyfarfod hamddenol, anffurfiol sy’n ein helpu i sicrhau eich bod yn cael y cymorth cywir i lwyddo ar eich cwrs. Mae’n sgwrs am sut y gall eich anabledd neu gyflwr iechyd effeithio ar eich astudio a’ch dysgu.
Pryd fydd eich Asesiad Anghenion eich cael ei gynnal?
Ar ôl i ni gymeradwyo eich cais DSA, byddwn yn cadarnhau pa un o’n darparwyr fydd yn cynnal eich Asesiad Anghenion: Study Tech neu Capita. Dylai eich darparwr gynnig apwyntiad i chi o fewn 7 diwrnod gwaith o gysylltu â chi gyntaf. Byddwch yn gallu dewis apwyntiad ar ddyddiad gwahanol os yw’n gweddu’n well i’ch anghenion.
Ble bydd eich Asesiad Anghenion eich cael ei gynnal?
Gallwch ddewis a yw eich Asesiad Anghenion yn digwydd yn bersonol neu o bell (e.e. trwy alwad fideo). Bydd eich darparwr yn rhoi gwybodaeth i'ch helpu i benderfynu pa opsiwn sydd orau i chi.
Os dewiswch asesiad personol, byddwn yn gwneud ein gorau i sicrhau bod amser teithio a lleoliad yr apwyntiad yn gyfleus i chi. Os nad yw’n gyfleus, gallwch drafod opsiynau eraill gyda’ch darparwr. Os cynhelir yr Asesiad Anghenion yn bersonol, dylid ei gynnal mewn man preifat, gyda chyfleusterau toiled hygyrch.
Gyda phwy fyddwch chi'n siarad yn eich Asesiad Anghenion?
Pan fyddwch yn cwrdd â ni, byddwch yn siarad ag arbenigwr hyfforddedig am yr opsiynau cymorth mwyaf priodol i chi.
Nid yw eich asesydd anghenion yn feddyg, mae’n berson profiadol a medrus a fydd yn gallu deall eich anabledd ac anghenion sy’n gysylltiedig â’ch cwrs.
Pa mor hir fydd eich Asesiad Anghenion yn ei gymryd?
Gall y cyfarfod bara hyd at 2 awr, ond bydd hyn yn dibynnu ar eich anghenion penodol.
Beth arall y dylech ei wybod am eich Asesiad Anghenion
Gallwch ddod â rhywun gyda chi.
Gallwch ofyn i rywun ddod gyda chi i’r apwyntiad, er enghraifft aelod o’r teulu, ffrind neu weithiwr cymorth. Gallwch drefnu apwyntiad ar-lein neu dros y ffôn.
Gallwch hawlio eich costau teithio yn ôl.
Os oes angen i chi dalu unrhyw gostau teithio i gyrraedd ac o'ch Asesiad Anghenion, gallwn eich ad-dalu am y rhain. Gwnewch yn siŵr eich bod yn cadw unrhyw dderbynebau teithio neu docynnau fel y gallwch hawlio'r costau yn ôl.
Byddant yn sicrhau bod eich anghenion hygyrchedd yn cael eu diwallu.
Bydd eich Darparwr Asesiad Anghenion yn gofyn a oes gennych unrhyw anghenion neu ofynion hygyrchedd (e.e. cymorth cyfathrebu neu le parcio) cyn y cyfarfod.
Beth fyddwch yn siarad amdano yn ystod eich Asesiad Anghenion.
Peidiwch â phoeni os nad ydych yn siŵr pa fathau o gymorth fydd yn eich helpu, gwaith yr aseswr anghenion yw canfod hynny gyda chi.
Yn ystod y cyfarfod, efallai y bydd yr asesydd anghenion yn gofyn i chi am drafferthion neu anawsterau sydd gennych o ganlyniad i'ch anabledd/cyflwr iechyd. Rydym yn deall y gallai hyn fod yn beth sensitif i rai pobl siarad amdano.
Bydd eich asesydd anghenion yn gofyn am unrhyw gymorth technoleg neu gymorth arall sydd wedi eich helpu yn y gorffennol ac yn eich cynghori ar ba fathau eraill o gymorth y gall eich Darparwr Addysg Uwch ei gynnig.
Bydd eich asesydd anghenion yn esbonio'n glir yr argymhellion y mae'n eu gwneud a pham.
Rhoi cynnig ar offer neu feddalwedd.
Ar gyfer cyfarfodydd wyneb yn wyneb, bydd unrhyw offer a meddalwedd perthnasol yn cael eu dangos gan yr aseswr anghenion a dylech gael cyfle i roi cynnig ar ei ddefnyddio hefyd. Dylai fod digon o amser ar gyfer arddangosiadau, cwestiynau ac unrhyw adborth sydd gennych.
Ar gyfer Asesiadau Anghenion o bell, efallai y bydd yr asesydd anghenion yn cynnig cyfarfod dilynol, personol i chi i arddangos yr offer.
Sut i baratoi ar gyfer eich Asesiad Anghenion
Rydyn ni eisiau gwneud yn siŵr eich bod chi'n cael y gorau o'ch Asesiad Anghenion, i'n helpu ni i wneud hyn gwnewch eich gorau i ddilyn y camau hyn:
- Cyrhaeddwch mewn pryd ar gyfer eich Asesiad Anghenion, os ydych yn hwyr yna bydd gan yr asesydd anghenion lai o amser i ddarganfod pa gymorth sydd ei angen arnoch. Os na allwch ddod, ffoniwch eich darparwr o leiaf 24 awr cyn y cyfarfod i roi gwybod iddynt.
- Darparwch yr holl wybodaeth y mae eich Darparwr Asesiad Anghenion yn gofyn amdani cyn y cyfarfod. Mae’n bosibl y gofynnir i chi hefyd am unrhyw dechnoleg neu gefnogaeth rydych wedi elwa ohono o’r blaen, felly meddyliwch am unrhyw beth a allai fod wedi eich helpu o’ch amser yn yr ysgol neu yn eich bywyd o ddydd i ddydd.
- Gofynnwch am gymorth neu gymorth ychwanegol os oes ei angen arnoch. Mae’n bwysig eich bod yn teimlo’n gyfforddus a bod gennych bopeth sydd ei angen arnoch ar gyfer y cyfarfod.
Ar ôl eich Asesiad Anghenion
Byddwch yn cael cyfle i adolygu’r Adroddiad Asesiad Anghenion.
Dylid ei anfon atoch 2 ddiwrnod gwaith ar ôl eich Asesiad Anghenion. Gallwch hefyd ddewis i’r adroddiad gael ei rannu â Thîm Cymorth Anabledd eich Darparwr Addysg Uwch.
Bydd eich Darparwr Asesiad Anghenion yn rhoi gwybod i SLC pa offer arbenigol, cymorth anfeddygol neu gymorth arall y maent yn ei argymell.
Byddwn yn adolygu eu hargymhellion, yna byddwn yn anfon e-bost atoch i gadarnhau pa gymorth sydd ar gael i chi.
Ni sy’n penderfynu’n derfynol pa gymorth a gymeradwyir (Cwmni Benthyciadau Myfyrwyr).
Os nad ydym wedi cymeradwyo rhai eitemau o gefnogaeth, dylai eich aseswr anghenion esbonio pam i chi. Os nad ydych yn cytuno â’r argymhellion neu os ydych yn teimlo bod rhywbeth wedi’i golli, gallwch godi hyn i’ch darparwr.
Os bydd eich amgylchiadau'n newid yn ystod eich cwrs.
Gallwch gysylltu â'ch Darparwr Asesiad Anghenion i ofyn i'ch anghenion cymorth gael eu hadolygu.
Byddwch yn gallu cysylltu â’ch Darparwr Asesiad Anghenion gydag unrhyw gwestiynau neu adborth dros y ffôn neu drwy e-bost rhwng 9am a 5:30pm, o ddydd Llun i ddydd Gwener. Dylai gwasanaethau cyfnewid fod ar gael hefyd i gwsmeriaid sydd ag anghenion cyfathrebu penodol sy'n ymwneud ag anabledd. Byddant yn ceisio ymateb i e-byst o fewn 2 ddiwrnod gwaith.
Ein hymrwymiad i chi
Byddwch yn cael eich trin ag urddas a pharch mewn perthynas â gwahaniaethau unigol gan gynnwys: oedran, rhyw, rhywioldeb, crefydd, diwylliant ac ethnigrwydd, iechyd ac anabledd.
Bydd eich preifatrwydd yn cael ei barchu, a bydd unrhyw wybodaeth bersonol y byddwch yn ei rhannu yn cael ei chadw’n gyfrinachol ac yn ddiogel. Esbonnir sut y bydd eich gwybodaeth bersonol yn cael ei phrosesu, ynghyd â'ch hawliau, yn ein Siarter Gwybodaeth Bersonol.
Sut gallwch chi roi adborth am eich Asesiad Anghenion
Ar ôl eich Asesiad Anghenion, bydd arolwg yn cael ei anfon atoch yn gofyn am eich profiad. Nid oes angen i chi gwblhau hwn ond byddem yn gwerthfawrogi unrhyw adborth defnyddiol ac adeiladol sydd gennych ar gyfer SLC a’ch Darparwr Asesiad Anghenion. Bydd hyn yn ein helpu i wneud gwelliannau i'r gwasanaeth a ddarparwn.
Bydd gan eich Darparwr Asesiad Anghenion Bolisi Cwynion y byddwch yn cael gwybod amdano. Os nad ydych yn fodlon â chanlyniad cwyn, gallwch ofyn i’r mater gael ei drosglwyddo i SLC.
Os teimlwch nad oedd eich profiad yn bodloni unrhyw un o'r disgwyliadau uchod, gallwch rannu unrhyw bryderon gyda SLC trwy gysylltu â'n tîm Cwynion.
Mae SLC yn gweinyddu'r cynllun DSA yn unol â chanllawiau polisi a osodwyd gan yr Adran Addysg (Student Finance England) a Llywodraeth Cymru (Cyllid Myfyrwyr Cymru).