Delwedd o: myfyrwragedd

Tystiolaeth

Pa dystiolaeth sydd angen i rieni neu bartneriaid ei anfon atom?

Rhaid i bob rhiant a phartner roi tystiolaeth o:

  • Incwm a enillwyd, megis incwm o gyflogau neu daliadau
  • Incwm anenilledig, megis incwm o gynilion neu fuddsoddiadau
  • Didyniadau a ganiateir megis taliadau pensiwn preifat a chyfraniadau gwirfoddol ychwanegol.

Yn dibynnu ar eich amgylchiadau, efallai bydd rhaid i chi rhoi tystiolaeth o:

  • ysgariad neu wahaniad
  • plant sy’n ddibynnol
  • Ymrwymiadau ariannol amcangyfrif, megis rhent a thaliadau morgais, ac yswiriant bywyd. Nid yw biliau gwasanaeth a bwyd yn cyfrif fel ymrwymiadau ariannol ar gyfer pwrpasau cyllid myfyriwr.

Tystiolaeth o incwm a enillwyd

Os ydych yn cael eich gofyn i anfon tystiolaeth o’r incwm a enillwyd gennych gall hyn gynnwys y gwreiddiol o’r canlynol:

  • P60 (dros gyfnod y flwyddyn dreth gywir)
  • Slipiau cyflog (12 mis neu slipiauu talu o 53 wythnos dros gyfnod o’r flwyddyn dreth ariannol gywir)
  • Dychweliad treth.

Tystiolaeth o incwm anenilledig

Mae incwm anenilledig yn cynnwys:

  • Llog oddi wrth gynilion (ond crynodeb blynyddol sydd ei angen)
  • budd-daliadau
  • pensiynau
  • rhent o eiddo neu ystafell.

Os ydych yn cael eich gofyn i anfon tystiolaeth o’r incwm anenilledig gennych gall hyn gynnwys y gwreiddiol o’r canlynol:

  • dychweliad treth hunan asesiad
  • cyfrifon yn dangos llog neu fuddsoddiadau
  • manylion incwm oddi wrth gyfrifydd
  • llyfr pensiwn neu lythyr
  • P60au
  • Llyfr budd-dal (tri thudalen gyntaf) neu lythyr swyddogol.

Tystiolaeth os ydych wedi ysgaru neu wahanu

Os yr ydych wedi ysgaru neu wahanu, rhaid i chi gyflwyno dogfen wreiddiol o un o’r canlynol:

  • ysgariad - Archddyfarniad Cyntaf neu Archddyfarniad Absoliwt. Rhaid i’r cyfenw gydweddu yr hyn sydd ar y ffurflen gais. Os nad hyn yw’r achos, bydd hefyd angen newid enw gweithred, oddi wrth gyfreithiwr;
  • diddymiad o bartneriaeth sifil – gorchymyn diddymu partneriaeth sifil;
  • cadarnhad oddi wrth gyfreithwr am eich statws priodasol; neu
  • Bill Treth Cyngor yn dangos gostyngiad o 25 y cant ar gyfer preswylydd sengl (fel tystiolaeth eich bod bellach wedi gwahanu).

Os yr ydych yn briod neu’n byw gyda phartner nid oes angen i chi anfon tystiolaeth o hyn.



^ Nôl i’r brig