Cymorth ychwanegol

Mae Grant Oedolyn Dibynnol ar gael i fyfyrwyr llawn-amser a rhan-amser sy’n astudio’n gymeradwy:

  • cwrs israddedig
  • cwrs Addysg Gychwynnol i Athrawon (ITE)
  • Tystysgrif Uwchraddedig Mewn Addysg (PGCE)

Grant Gofal Plant

Gall myfyrwyr gael Grant Gofal Plant tuag at y gost o ofal plant os oes ganddynt blant mewn gofal plant cofrestredig a chymeradwy.

Gallant gael fyny hyd at 85% o’u costau wythnosol, fyny hyd at uchafswm o £161.50 yr wythnos ar gyfer un plentyn, neu £274.55 yr wythnos os oes ganddynt ddau neu fwy o blant. Mae’r swm y gallant ei gael yn dibynnu ar incwm eu cartref.

Os nad oes ganddynt ddarparwr gofal plant pan maent yn ceisio, yna caiff eu Grant Gofal Plant ei gapio yn £115 yr wythnos neu 85% o’u costau amcangyfrifedig, pa bynnag un sy’n is. Caiff ailasesiad ei wneud unwaith maent yn darparu manylion eu darparwr gofal plant.

Os maent yn ceisio am Grant Gofal Plant, bydd angen iddynt ddarparu:

  • tystiolaeth o hunaniaeth eu plentyn, fel tystysgrif geni neu dystysgrif mabwysiadu, a
  • thystiolaeth bod eu plentyn yn dibynnu arnynt yn ariannol, fel hysbysiad dyfarnu’r credyd treth neu lythyr Budd-dal Plentyn.

Ni allant gael Grant Gofal Plant os ydy’r myfyriwr neu eu partner yn hawlio elfen gofal plant o Gredyd Treth Gwaith, Credyd Cynhwysol, Gofal Plant di-dreth oddi wrth Gyllid a Thollau Ei Mawrhydi (CThEM) neu grantiau gofal plant wedi eu hariannu gan GIG.

Nid yw budd-daliadau sy’n berthynol i incwm, anghyflogaeth a budd-daliadau tai wedi eu heffeithio gan Grant Gofal Plant.

Grant Oedolyn Dibynnol

Nawdd ychwanegol yw Grant Oedolyn Dibynnol (ADG) i helpu myfyrwyr sy’n ariannol gyfrifol am oedolyn arall nad yw’n blentyn iddo.

Mae swm y Grant Oedolyn Dibynnol sydd ar gael yn dibynnu ar incwm eu cartref. Uchafswm y Grant Oedolyn Dibynnol sydd ar gael am 2017/18 a 2018/19 yw £2,732.

Bydd y Grant Oedolyn Dibynnol yn effeithio ar unrhyw fudd-daliadau sy’n berthynol i incwm efallai y gallant ei gael.

Os taw’r myfyriwr sy’n ceisio am Grant Oedolyn Dibynnol ar gyfer ei partner, ni fydd angen unrhyw dystiolaeth ychwanegol arnom. Mae hyn oherwydd bydd ei partner yn rhoi ei manylion ariannol i ni fel rhan o’r broses gais.

Os nad ydy’r oedolyn dibynnol yn bartner i’r myfyriwr, byddwn yn gofyn iddynt am eu hincwm trethadwy am y flwyddyn dreth flaenorol, fel P60 neu gyflog tal 12 mis. Byddwn hefyd yn gofyn am dystiolaeth bod yr oedolyn yn ddibynnol ariannol ar y myfyriwr.

Lwfans Rhieni sy’n Dysgu

Lwfans Rhieni sy’n Dysgu (PLA) yw cymorth ychwanegol gyda chostau yn ymwneud â’r cwrs, fel llyfrau, deunydd cwrs a theithio.

Gall myfyrwyr wneud cais am PLA os oes ganddynt un neu fwy o blant sy’n ddibynnol arnynt yn ariannol, difater eu hoedran.

Mae swm y PLA maent yn gallu eu cael yn dibynnu ar incwm eu cartref. Uchafswm y PLA sydd ar gael ar gyfer 2017/18 a 2018/19 yw £1,557.

Ni fydd PLA yn effeithio ar unrhyw fuddiannau eraill efallai y byddant yn eu cael.

Os maent yn ceisio am PLA, mae angen iddynt ddarparu:

  • tystiolaeth o hunaniaeth eu plentyn, fel tystysgrif geni neu dystysgrif mabwysiadu, a
  • thystiolaeth bod eu plentyn yn dibynnu arnynt yn ariannol, fel hysbysiad dyfarnu’r credyd treth neu lythyr Budd-dal Plentyn.

Sut mae gwneud cais

Dylai myfyrwyr sy’n ceisio am Grant Gofal Plant:

  1. Anfon amcangyfrif i ni o’u costau gofal plant gan ddefnyddio ffurflen Gais Grant Gofal Plant (CCG1). Bydd y ffurflen yn dweud wrthynt ba wybodaeth a thystiolaeth sydd eu hangen.

Gallant lwytho’r ffurflen gais i lawr www.cyllidmyfyrwyrcymru.co.uk

  1. Byddant yn derbyn llythyr yn dweud faint o Grant Gofal Plant y byddant yn eu derbyn.
  2. Ar dri phwynt yn ystod y flwyddyn, rhaid i’r myfyriwr a’r darparwr gofal plant gadarnhau eu gwir gostau gofal plant drwy ddefnyddio ffurflen Cadarnhau Costau Gofal Plant (CCG2). Byddwn yn ysgrifennu atynt i adael hwy i wybod pryd mae gwneud hyn.
  3. Os ydy eu gwir gostau gofal plant yn uwch neu’n is na’u costau amcangyfrifedig, yna caiff eu taliad nesaf ei gymhwyso.

Dylai myfyrwyr sy’n ceisio am Grant Oedolyn Dibynnol neu Lwfans Rhieni sy’n Dysgu:

  1. Geisio am gyllid myfyriwr fel yr arfer a llenwi yr adrannau am PLA neu ADG.
  2. Byddwn yn asesu eu cais ac yn cysylltu gyda hwy os oes angen mwy o wybodaeth arnom.
  3. Byddwn yn anfon llythyr atynt yn dweud wrthynt faint o gyllid myfyriwr gallant eu derbyn, yn cynnwys unrhyw PLA neu ADG.

Sut caiff ei gyfrifo

Mae swm y Grantiau Dibynyddion gall myfyrwyr ei gael yn dibynnu ar incwm eu cartref a’u hamgylchiadau.

I ddarganfod mwy am sut y gallwn ddatrys faint y gallant eu derbyn, llwythwch ein taflen ffaith cyfrifon Grantiau Dibynyddion i lawr

Sut caiff ei dalu

Caiff Grantiau Dibynyddion fel arfer eu talu mewn tri rhandaliad, unwaith ar ddechrau pob tymor. Caiff ei dalu’n uniongyrchol mewn i’w cyfrif banc, fel arfer ar yr un adeg ag unrhyw gyllid myfyriwr arall.

Ni fydd angen iddynt ad-dalu hyn oni bai eu bod nhw wedi cael eu gordalu neu adael eu cwrs yn gynnar.



^ Nôl i’r brig