Lwfansau Myfyrwyr Anabl
MaeLwfansau Myfyrwyr Anabl (DSAs) yn helpu i dalu unrhyw gostau ychwanegol y gallech eu cael o ganlyniad uniongyrchol i anabledd, gan gynnwys cyflwr iechyd hir dymor, cyflwr iechyd meddwl neu anhawster dysgu penodol, megis dyslecsia neu ddyspracsia. Mae DSAs yn gyllid ychwanegol ar gael i fyfyrwyr nad ydynt fel arall wedi gallu mynychu cwrs addysg uwch. Rhaid i chi fodloni'r diffiniad o anabledd dan Ddeddf Cydraddoldeb 2010.
Parhau i ddarllen am fwy o wybodaeth neu ewch yn syth i Sut mae gwneud cais
Pwy sydd yn gallu cael DSAs?
Gallwch gael DSA os:
- rydych chi'n astudio cwrs is-raddedig llawn amser neu ran-amser cymwys (er enghraifft, cwrs gradd neu lefel HND) gan gynnwys cyrsiau dysgu o bell; neu
- rydych chi'n astudio cwrs ôl-raddedig llawn amser neu ran-amser cymwys (y mae arnoch angen gradd neu gymhwyster cyfatebol arnoch i fynd ymlaen), gan gynnwys cyrsiau dysgu o bell; ac
- mae eich cyflwr yn effeithio ar eich gallu i astudio a medrwch roi tystiolaeth o hyn.
Faint allwch ei gael?
Nid yw swm yr DSAs a gewch yn seiliedig ar incwm eich cartref. Mae'n seiliedig ar eich anghenion unigol a'ch dwyster cwrs.
Mae'r tabl canlynol yn dangos y mathau o gymorth sydd ar gael a'r uchafsymiau sydd ar gael.
| Lwfans | Uchafswm ar gael |
|---|---|
| Cynorthwy-ydd anfeddygol | £15,885 y flwyddyn |
| Cyfarpar arbenigol | £5,332 ar gyfer y cwrs cyfan |
| Lwfans cyffrediol | £1,388 y flwyddyn |
| Teithio yn ymwneud ag anabledd | Gwariant rhesymol ar gostau teithio ychwanegol a achoswyd o ganlyniad i gyflwr y myfyriwr. |
Sut caiff ei dalu?
Caiff DSA’s naill ai eu talu yn uniongyrchol i chi neu i unrhyw ddarparwr cyfarpar neu wasanaeth.
Unrhyw beth arall y dylech wybod?
Rhaid i chi fod yn astudio ar ddwyster cwrs o leiaf 25% i fod yn gymwys ar gyfer DSAs.
Gall gymryd tua 14 wythnos i brosesu cais am DSAs felly gwnewch gais cyn gynted ag y medrwch.
Nid oes unrhyw derfyn oed ar gael DSAs.
Os yr ydych am hawlio am dreuliau yr ydych eisoes wedi eu talu, ymwelwch â’n darganfyddwr ffurflenni i wytho i lawr 'Ffurflen Hawlio am Ad-daliad o gostau drwy Lwfansau Myfyrwyr Anabl.’
