Beth sydd ar gael os gwnaethoch ddechrau cyn 1 Medi 2018
Mae’r wybodaeth hon ar gyfer myfyrwyr a ddechreuodd eu cwrs ar 1 Medi 2012 neu wedi hynny, ond cyn 1 Medi 2018. Cael gwybod beth sydd ar gael os gwnaethoch ddechrau wedi hynny.
Ffïoedd dysgu
Gallech gael benthyciad a grant gwerth hyd at £9,250 y flwyddyn, yn dibynnu ar faint y mae eich cwrs yn ei gostio a ble’r ydych yn astudio. Nid yw’r hyn a gewch chi yn dibynnu ar incwm y cartref.
Byddwn yn talu eich benthyciad a’ch grant yn uniongyrchol i’ch prifysgol neu’ch coleg. Rhaid i chi ad-dalu’r benthyciad, gan gynnwys llog, pan fyddwch wedi gorffen neu wedi gadael eich cwrs ac yn ennill mwy na’r trothwy. Nid oes yn rhaid i chi ad-dalu’r grant.
Mae’r tablau hyn yn dangos uchafswm y benthyciad a’r grant y gallwch ei gael, yn dibynnu ar ble’r ydych yn astudio.
2024 i 2025
| Ble’r ydych yn astudio | Uchafswm y benthyciad | Uchafswm y grant |
|---|---|---|
| Mewn prifysgol neu goleg cyhoeddus yng Nghymru | £4,825 | £4,175 |
| Mewn prifysgol neu goleg cyhoeddus yn Lloegr, yr Alban neu Ogledd Iwerddon | £5,075 | £4,175 |
| Mewn prifysgol neu goleg preifat yn unrhyw le yn y DU | £6,165 | None |
2023 i 2024
| Ble’r ydych yn astudio | Uchafswm y benthyciad | Uchafswm y grant |
|---|---|---|
| Mewn prifysgol neu goleg cyhoeddus yng Nghymru | £4,785 | £4,215 |
| Mewn prifysgol neu goleg cyhoeddus yn Lloegr, yr Alban neu Ogledd Iwerddon | £5,035 | £4,215 |
| Mewn prifysgol neu goleg preifat yn unrhyw le yn y DU | £6,165 | None |
Costau byw
Gallech hefyd gael cymysgedd o fenthyciadau a grantiau i helpu gyda’ch costau byw. Mae faint a gewch yn dibynnu ar incwm eich cartref a ble rydych yn byw tra'n astudio.
Grant Dysgu Llywodraeth Cymru (GDLlC)
Uchafswm y Grant Dysgu Llywodraeth Cymru sydd ar gael yn 2024 i 2025 a 2023 i 2024 yw £5,161 y flwyddyn.
Po fwyaf o Grant Dysgu Llywodraeth Cymru fyddwch chi'n ei gael bydd yn lleihau faint o Fenthyciad Cynhaliaeth a gewch.
Benthyciad Cynhaliaeth
Mae’r tabl canlynol yn dangos y Benthyciad Cynhaliaeth sydd ar gael ar gyfer 2023 i 2024 a 2024 i 2025.
| Uchafswm y benthyciad sydd ar gael ar gyfer 2024 i 2025 | Uchafswm y benthyciad sydd ar gael ar gyfer 2023 i 2024 | |
|---|---|---|
| Yn byw gartref gyda’ch rhieni | £6,336 | £6,277 |
| Os nad ydych yn byw yng nghartref eich rhieni ac os ydych yn astudio y tu allan i Lundain | £8,185 | £8,108 |
| Os nad ydych yn byw yng nghartref eich rhieni ac os ydych yn astudio yn Llundain | £11,465 | £11,357 |
| Yn astudio dramor | £9,759 | £9,667 |
Enghreifftiau’n unig yw’r ffigurau yn y tablau. Byddwch yn cael llythyr hysbysiad o hawl a fydd yn dweud wrthych faint y byddwch yn ei gael yn ystod y flwyddyn academaidd.
Bydd angen i chi roi gwybod i ni os bydd eich amgylchiadau’n newid yn ystod eich cwrs i wneud yn siŵr eich bod yn cael y cymorth y mae gennych hawl iddo.
Byddwn yn talu eich Benthyciad Cynhaliaeth a’ch grant yn uniongyrchol i’ch cyfrif banc mewn 3 rhandaliad, ar ddechrau pob tymor fel rheol
Rhaid i chi ad-dalu eich Benthyciad Cynhaliaeth, gan gynnwys llog, pan fyddwch wedi gorffen neu wedi gadael eich cwrs.
Bydd myfyrwyr blwyddyn olaf yn cael cyfradd is o Fenthyciad a Grant Cynhaliaeth oherwydd bod tymor olaf eu cwrs yn fyrrach.
Help ychwanegol
Os oes gennych anabledd neu anhwylder iechyd hirdymor
Mae’n bosibl y byddwch yn gallu gwneud cais am Lwfans Myfyrwyr Anabl.
Am ragor o wybodaeth, llwythwch i lawr canllaw Lwfansau Myfyrwyr Anabl.
Os oes gennych blant neu oedolion dibynnol
Mae’n bosibl y byddwch yn gallu gwneud cais am:
Os ydych yn astudio dramor
Mae’n bosibl y byddwch yn gallu gwneud cais am Grant Teithio.
Os ydych yn cael budd-daliadau neu os ydych dros 60 oed
Mae’n bosibl y byddwch yn gallu gwneud cais am Cymorth Arbennig.
Os yw eich cwrs yn hwy na 30 wythnos a 3 diwrnod
Gallwch gael ychwanegiad at eich Benthyciad Cynhaliaeth ar gyfer pob wythnos er mwyn helpu gyda’ch costau byw:
| 2024 i 2025 | 2023 i 2024 | |
|---|---|---|
| Yn byw gyda’ch rhieni | £94 | £93 |
| Os nad ydych yn byw yng nghartref eich rhieni ac os ydych yn astudio y tu allan i Lundain | £142 | £141 |
| Os nad ydych yn byw yng nghartref eich rhieni ac os ydych yn astudio yn Llundain | £181 | £179 |
I fod yn gymwys, rhaid eich bod yn cael cyllid myfyrwyr sy’n dibynnu ar incwm eich cartref.
Byddwn yn dyfarnu’r swm ychwanegol o gyllid yn awtomatig yn seiliedig ar fanylion y cwrs a ddarperir gan eich prifysgol neu goleg. Bydd eich hawl yn cynnwys y Benthyciad Cyrsiau Hir fel rhan o'ch cymorth costau byw wedi'i asesu ar sail incwm.