Cael eich taliadau Grant Dysgu Llywodraeth Cymru

Byddwn yn anfon llythyr dyfarnu dros dro atoch i gadarnhau bod eich cais wedi bod yn llwyddiannus.

Bydd eich coleg yn dweud wrthym a yw eich cwrs yn gymwys i gael cyllid, a bydd angen i chi lofnodi Cytundeb Dysgu GDLlC AB. Bydd eich coleg yn cadarnhau pryd y gwneir hyn. Yna byddwn yn anfon llythyr ddyfarniad terfynol i chi.

Bydd y llythyr hwnnw:

• yn cadarnhau bod eich cwrs yn gymwys a bod eich cais wedi’i gymeradwyo
• yn dweud wrthych beth yw symiau eich taliadau ar gyfer pob tymor
• yn cadarnhau eich dyddiad geni a'ch coleg
• yn eich atgoffa i gysylltu â ni os bydd unrhyw beth yn newid.

Mae hyn yn gytundeb rhyngoch chi a’ch coleg. Mae’n amlinellu meini prawf ar gyfer presenoldeb er mwyn i chi gael eich taliadau Grant Dysgu Llywodraeth Cymru (Addysg Bellach).

Dylech lofnodi’r Cytundeb cyn gynted ag y gallwch, a chyn pen 12 mis fan bellaf ar ôl dyddiad dechrau eich cwrs.

Os oes gennych unrhyw amgylchiadau a allai effeithio ar eich presenoldeb, dylech siarad â'ch coleg. Dylent allu esbonio pa fath o absenoldebau fydd yn eich atal rhag cael eich GDLlC.

Byddwch yn derbyn taliadau deirgwaith y flwyddyn ar ôl i'ch coleg gadarnhau eich presenoldeb.

Byddwch yn cael taliadau dair gwaith y flwyddyn ar ôl i’ch ysgol neu’ch coleg gadarnhau eich bod yn bresennol.

Bydd eich taliadau Grant Dysgu Llywodraeth Cymru (Addysg Bellach) yn cael eu gwneud yn uniongyrchol i gyfrif banc sydd yn eich enw. Dylech sicrhau bod y manylion banc yr ydych wedi’u rhoi i ni’n gywir. Os byddwch wedi anfon y dystiolaeth gywir, gellir gwneud taliadau i drydydd parti.

Os gwnaethoch gais ar-lein am GDLlC AB, gallwch fewngofnodi i'ch cyfrif ar-lein i ddiweddaru eich manylion banc.

Os gwnaethoch gais gan ddefnyddio ffurflen gais bapur, bydd angen i chi ein ffonio i’w diweddaru.