LCA Faint gallaf ei gael?

Gan ddibynnu ar eich oed, gallwch dderbyn Lwfans Cynhaliaeth Addysg am hyd at 3 blynedd. Rhaid i chi ymgeisio bob blwyddyn.

Y taliad Lwfans Cynhaliaeth Addysg wythnosol uchaf yw £30 a delir pob pythefnos. Byddwn yn edrych ar incwm blynyddol eich cartref er mwyn penderfynu faint y byddwch yn ei dderbyn.

Ni fydd taliadau Lwfans Cynhaliaeth Addysg yn effeithio ar unrhyw fudd-daliadau yr ydych chi neu’ch cartref eisoes yn eu derbyn.

Myfyrwyr dibynnol

Os ydych chi’n dibynnu ar eich rhiant/rhieni neu warcheidwad/gwarcheidwaid byddwn yn defnyddio eu hincwm i benderfynu faint o Lwfans Cynhaliaeth Addysg y gallwch ei dderbyn.

Myfyrwyr annibynnol

Rydych chi’n fyfyriwr annibynnol os:

• ydych chi wedi ymddieithrio o’ch rhiant/rhieni neu warcheidwad/gwarcheidwaid ac NAD ydych chi’n byw o dan ofal yr Awdurdod Lleol;
• ydych chi'n byw o dan ofal yr Awdurdod Lleol, er enghraifft gyda rhieni maeth;
• ydych chi’n cael cymhorthdal incwm yn eich enw eich hun;
• ydych chi’n gyfrifol am eich plentyn eich hun; neu os
• ydych chi wedi’ch dosbarthu’n Droseddwr Ifanc, gweler isod.
  

Os ydych chi’n annibynnol, mae incwm eich cartref yn golygu eich incwm ynghyd ag unrhyw bartner yr ydych chi’n byw gydag ef/hi. Byddwn yn defnyddio hyn i benderfynu faint o Lwfans Cynhaliaeth Addysg y gallwch chi ei dderbyn.

Os ydych chi’n gweithio’n rhan amser, ni fyddwn yn cyfrif hyn wrth edrych ar incwm eich cartref.

Troseddwyr Ifanc

Fel troseddwr ifanc sy’n disgwyl gadael y ddalfa, gallwch wneud cais am yr LCA. Rhaid i chi wneud cais tra byddwch yn parhau yn y ddalfa. Os yw hyn yn berthnasol i chi, neu i rywun rydych yn ei adnabod, cysylltwch â’ch Tîm Troseddwyr Ifanc lleol i gael mwy o wybodaeth a ffurflen gais.

Symiau

Darganfyddwch faint y gallech chi ei dderbyn gyda’n cyfrifianellau:

Cyfrifiannell ar gyfer cyrsiau sy’n dechrau ym mis Medi 2009

Cyrsiau sy’n dechrau rhwng 1 Medi 2009 a 31 Awst 2010:

Dyma’r incymau cartref a’r symiau y gallech chi eu cael:

Ynghyd â lwfans wythnosol, mae’n bosib y byddwch hefyd yn derbyn taliadau bonws o £100.

Bydd y taliadau yn cael eu talu’n uniongyrchol i’ch cyfrif banc neu gymdeithas adeiladu, felly mae’n rhaid i chi gael un o’r rhain cyn ymgeisio am Lwfans Cynhaliaeth Addysg. Er mwyn agor cyfrif banc dylech siarad â banc lleol, neu eich rhieni neu’ch gwarcheidwaid am gymorth. Cofiwch, rhaid i’r cyfrif allu derbyn credydau uniongyrchol.

Os na allwch agor cyfrif banc neu gymdeithas adeiladu yn eich enw eich hun, cofiwch gysylltu â ni.