|
Gallwch ddechrau derbyn taliadau Lwfans Cynhaliaeth Addysg cyn gynted ag y byddwch yn dechrau eich cwrs, cyhyd â'ch bod yn:
• ymgeisio ar amser;
• cytuno ac yn llofnodi Cytundeb Dysgu gyda’ch ysgol neu’ch coleg;
• ac yn bodloni eich gofynion presenoldeb.
Ar ôl i ni gymeradwyo eich cais bydd angen i'ch ysgol neu’ch coleg gadarnhau eich bod wedi mynychu. Yna bydd taliadau yn cael eu gwneud i’ch cyfrif banc neu gymdeithas adeiladu bob pythefnos.
Dyddiad Talu Dsgwyliedig
Seiliwyd y dyddiadau talu ar gyrsiau sy'n cychwyn ar 1 Medi 2009. Os bydd eich cwrs yn cychwyn ar ôl y dyddiad hwn, efallai y bydd eich taliadau yn wahanol i'r rhai a nodwyd, ond byddwch yn cael eich talu bob pythefnos o hyd. Sylwer, bydd taliadau yn cael eu gwneud ond os ydych yn mynychu, ac ni fyddwch yn cael eich talu os byddwch ar eich gwyliau.
| 20/09/2010 |
| 04/10/2010 |
| 18/10/2010 |
| 01/11/2010 |
| 15/11/2010 |
| 29/11/2010 |
| 13/12/2010 |
| 27/12/2010 |
| 10/01/2011 |
| 24/01/2011 |
| 07/02/2011 |
| 21/02/2011 |
| 07/03/2011 |
| 21/03/2011 |
| 04/04/2011 |
| 18/04/2011 |
| 02/05/2011 |
| 16/05/2011 |
| 30/05/2011 |
| 13/06/2011 |
| 27/06/2011 |
|
Cytundeb Dysgu
Os cewch eich derbyn ar gyfer Lwfans Cynhaliaeth Addysg, ar ôl i chi ddechrau eich cwrs, rhaid i chi lofnodi Cytundeb Dysgu gyda rhywun o’ch ysgol neu’ch coleg. Mae’r Cytundeb Dysgu hwn yn ymdrin â phob rheol presenoldeb a pherfformiad a amlinellir gan eich ysgol neu goleg. Rhaid i chi fodloni’r rhain er mwyn derbyn eich lwfans wythnosol a bonysau.
Taliadau Bonws
Fe allech chi dderbyn dau fath o fonws.
Os byddwch yn cyflawni’ch amcanion dysgu byddwch yn derbyn taliadau bonws perfformiad. Fel rheol, bydd y rhain yn cael eu talu ym mis Ionawr a Gorffennaf, ar ôl i’ch ysgol neu goleg gadarnhau eich bod yn bodloni'r amodau hyn.
Os gwnaethoch chi dderbyn y Lwfans Cynhaliaeth Addysg y llynedd, a’ch bod yn dychwelyd i'r ysgol neu'r coleg am ail neu drydedd flwyddyn ac yn parhau yn gymwys ar gyfer Lwfans Cynhaliaeth Addysg, fe allech chi dderbyn bonws pellach.
Pryd y Dylwn i Ymgeisio?
Ar gyfer cyrsiau a gynhelir rhwng 1 Medi 2010 a 31 Awst 2011.
Mae angen i ni gael eich ffurflen a’ch tystiolaeth erbyn 31 Awst 2011 fan hwyraf.
Peidiwch ag oedi wrth ddychwelyd eich ffurflen i ni, hyd yn oed os nad yw’r holl dystiolaeth ar gael gennych.
Os na ddaw eich ffurflen ymhen 8 wythnos o ddechrau’ch cwrs, gallech golli allan ar daliadau LCA wedi’u hôl-ddyddio.
Ar gyfer cyrsiau a gynhelir rhwng 1 Medi 2009 a 31 Awst 2010:
Mae angen i ni gael eich ffurflen a’ch tystiolaeth erbyn 31 Awst 2010 fan hwyraf.
Peidiwch ag oedi wrth ddychwelyd eich ffurflen i ni, hyd yn oed os nad yw’r holl dystiolaeth ar gael gennych.
Os gwnaethoch gais ymhen 8 wythnos o ddechrau’ch cwrs, gallech gael taliadau wedi’u hôl-dalu ers dechrau’r tymor.
Er mwyn gwybod sut i ymgeisio, edrychwch ar Sut gallaf gael LCA?
| 
