Pa gymorth sydd ar gael eleni yn 2010/11?

Mae’r dudalen hon yn berthnasol i flwyddyn academaidd 2010/11. Gallwch hefyd weld gymorth sydd ar gael ym Mlwyddyn Academaidd 2009/10.

Gallwch hefyd ddefnyddio’r cyfrifiannell ar-lein i gyfrifo faint y gallwch ei gael yn 10/11.

Benthyciadau i fyfyrwyr

Cymorth gyda’ch ffioedd dysgu

Grantiau a chymorth arall

Bwrsarïau

Myfyrwyr rhan-amser

Myfyrwyr ôl-raddedig

Myfyrwyr y Brifysgol Agored

Benthyciadau i Fyfyrwyr

Mae'r cyfraddau benthyciad ar gyfer eich blwyddyn derfynol yn is gan eich bod yn cwblhau Addysg Uwch ar ddiwedd tymor yr Haf.

Mae cyfraddau benthyciad ychydig yn uwch i fyfyrwyr sy'n byw yn Llundain (nid yng nghartref eu rhieni) i ddarparu ar gyfer y costau byw uwch. Bydd eich Awdurdod Lleol (ALl) yn penderfynu a fyddwch yn gallu hawlio cyfraddau benthyciad Llundain yn seiliedig ar god post eich man astudio. Os nad ydych yn siŵr a ydych chi'n perthyn i'r categori hwn, bydd eich ALl yn gallu eich cynghori.

Cyfraddau Benthyciad

yn ôl i’r brig

Cymorth tuag at eich ffioedd dysgu

Bydd ffioedd dysgu hyd at £3,290 yn cael eu codi arnoch. Efallai y gallwch hawlio grant ar gyfer rhan o’ch ffioedd dysgu.

Benthyciadau i Fyfyrwyr ar gyfer Cyfraniadau at Ffioedd Dysgu

Ni fydd yn rhaid ichi dalu ffioedd cyn ichi ddechrau astudio, na thra byddwch yn parhau eich cwrs.

Bydd myfyrwyr cymwys yn gallu ymgeisio am Fenthyciad i Fyfyrwyr ar gyfer Ffioedd i dalu cost unrhyw gyfraniad a asesir tuag at eich ffioedd. Gallwch fenthyg unrhyw swm hyd at swm llawn y ffi a godir. Efallai mai hwn fydd y gwahaniaeth rhwng cyfanswm y ffi a godir a swm y grant ffioedd a ddyfarnir.

Caiff y rhain eu talu'n syth i'ch man astudio a byddant yn cael eu had-dalu fel unrhyw fenthyciad arall i fyfyrwyr, ar ôl ichi orffen astudio a phan fyddwch yn ennill dros y trothwy ad-dalu.

yn ôl i’r brig

Grant Addysg Uwch

Os dechreuoch eich cwrs rhwng 1 Medi 2004 a 1 Medi 2006, efallai y byddwch yn gymwys am Grant Addysg Uwch. Mae'n rhaid eich bod ar gwrs israddedig amser llawn, cwrs brechdan neu gwrs HCA rhan-amser.

Mae'r swm a gewch yn dibynnu ar eich incwm cartref, a bydd yn cael ei gyfrifo gan eich Awdurdod Lleol pan fyddwch yn gwneud eich cais. Bydd y tablau isod yn eich helpu i amcangyfrif eich hawl:

Os ydych o Gymru, a bod eich incwm cartref islaw £5,750 byddwch hefyd yn cael £500 oddi wrth y cynllun GDC.
Am wybodaeth bellach cysylltwch â’ch Awdurdod Lleol.

Grant Dysgu’r Cynulliad (AU) i fyfrwyr sy’n parhau

Mae Grant Dysgu'r Cynulliad (AU) (GDC) yn parhau i roi cymorth ychwanegol i fyfyrwyr o deuluoedd incwm isel. Caiff myfyrwyr ymgeisio am GDC o'u Hawdurdod Lleol ar ben benthyciad i fyfyrwyr a mathau eraill o gymorth.

Dim ond i fyfyrwyr a ymrestrodd ar gwrs addysg uwch cyn 2006/07 y mae'r wybodaeth hon yn berthnasol, a dim ond os ydynt eisoes yn cael Grant Dysgu'r Cynulliad (AU) ac yn parhau'n gymwys hyd yr amser y byddant yn cwblhau'r rhaglen astudio benodol honno.

I fod yn gymwys am GDC (AU) eleni, mae'n rhaid bod eich incwm cartref chi neu eich teulu yn £17,770 neu lai.

Am wybodaeth bellach cysylltwch â’ch Awdurdod Lleol.

Mae'r swm a gewch yn dibynnu ar eich incwm cartref, a bydd yn cael ei gyfrifo gan eich Awdurdod Lleol pan fyddwch yn gwneud eich cais. Bydd y tabl isod yn eich helpu i amcangyfrif eich hawl:

yn ôl i’r brig

Bwrsarïau

Cymorth ariannol ychwanegol i fyfyrwyr yw bwrsarïau, sy'n cael eu darparu gan y coleg neu brifysgol a fynychwch.

Bydd Cynllun Bwrsariaeth Cenedlaethol ar waith ar gyfer myfyrwyr Addysg Uwch yng Nghymru. Mae manylion pellach ar gael ar dudalen gartref Cynllun Bwrsarïau Cymru.

Myfyrwyr rhan-amser

Grant Ffioedd

Mae myfyrwyr is-raddedig rhan-amser sy’n astudio o leiaf 50% o gwrs amser llawn cywerth (bydd eich coleg yn gallu dweud wrthych a yw eich cwrs yn gymwys) yn gallu hawlio Grant Ffioedd.

Bydd tair gwahanol gyfradd o grant ffioedd gan ddibynnu pa mor ddwys yw eich cwrs. Er enghraifft, os ydych yn astudio ar gyfradd sy’n gywerth â 75% o gwrs amser llawn, gallech fod yn gymwys am grant ffioedd uwch na myfyriwr sy’n astudio ar gyfradd sy’n gywerth â 50% o gwrs amser llawn. Mae’r tabl isod yn nodi mwyafswm y grant ffioedd y gallech ei gael:

Gallwch hefyd ymgeisio am gymorth gyda chostau cysylltiedig â chwrs sy'n werth hyd at £1,095. Os ydych ar gwrs hyfforddiant athrawon rhan-amser, nid ydych yn gymwys am grantiau rhan-amser ond fe allech fod yn gymwys am gymorth amser llawn.

Fel arfer nid yw myfyrwyr yn gallu ymgeisio am y cymorth hwn os oes gradd ganddynt eisoes.

yn ôl i’r brig

Grant Cwrs

Gallwch hefyd ymgeisio am gymorth gyda chostau cysylltiedig â chwrs sy'n werth hyd at £1,095. Os ydych ar gwrs hyfforddiant athrawon rhan-amser, nid ydych yn gymwys am grantiau rhan-amser ond fe allech fod yn gymwys am gymorth amser llawn. Fel arfer nid yw myfyrwyr yn gallu ymgeisio am y cymorth hwn os oes gradd ganddynt eisoes.

yn ôl i’r brig

Grantiau i ddibynyddion

Efallai bydd myfyrwyr israddedig rhan-amser sy'n astudio sydd ag oedolion neu blant yn dibynnu arnynt yn gymwys hefyd i gael grantiau ychwanegol.. Mae'n rhaid eich bod yn astudio o leiaf 50% o gwrs amser llawn cyfwerth. Gweler 'Pa Gymorth Ychwanegol Sydd Ar Gael'

yn ôl i’r brig

Myfyrwyr ôl-raddedig

Yn gyffredinol, nid oes unrhyw gymorth gorfodol ar gyfer astudiaeth ôl-raddedig sy’n cael ei ariannu’n ganolog gan Lywodraeth Cynulliad Cymru i fyfyrwyr sydd fel arfer yn byw yng Nghymru; eithriad i hyn yw astudiaethau TAR i’r rheini sydd eisiau bod yn athrawon.

yn ôl i’r brig

Myfyrwyr y Brifysgol Agored

Mae’r Brifysgol Agored yn ymdrin â cheisiadau am y grant ffioedd, y grant cwrs a Lwfans Myfyrwyr Anabl gan ei myfyrwyr ei hun. Os ydych yn astudio gyda’r Brifysgol Agored a bod angen gwybodaeth arnoch, dylech gysylltu â hwy ar 01908 653411, neu anfon e-bost atynt yn reg-fees@open.ac.uk am fwy o fanylion. Os ydych yn fyfyriwr anabl sy’n astudio yn y Brifysgol Agored, dylech gysylltu â’ch canolfan ranbarthol Prifysgol Agored a holi am yr amodau cymhwyster ar gyfer Lwfansau Myfyrwyr Anabl a sut y dylech ymgeisio amdanynt.

yn ôl i’r brig