Esbonio’r broses o wneud cais

• lwytho ffurflen oddi ar y wefan hon
• cyflwyno cais yma, ar lein
• Gofyn am Ffurflen PN1 a’r arweiniad sy’n dod gyda hi, gan eich Awdurdod Lleol

Ar ôl ichi gwblhau eich cais, gallwch enwebu eich noddwr/noddwyr os ydych yn fyfyriwr dibynnol (h.y. rydych chi’n dibynnu ar riant, gofalwr neu bartner am gymorth ariannol). Gallant gyflwyno eu manylion ar-lein neu lenwi ffurflen gais bapur.

Mae’n hynod bwysig eich bod yn darparu eich Rhif Yswiriant Gwladol i ni oherwydd bydd angen hwn er mwyn didynnu ad-daliadau Benthyciad i Fyfyrwyr o’ch cyflog pan fyddwch yn dechrau ad-dalu.

Ni fydd y Cwmni Benthyciadau i Fyfyrwyr yn gwneud unrhyw daliadau benthyciad nes bod yr Adran Gwaith a Phensiynau wedi gwirio eich Rhif Yswiriant Gwladol. Os na fydd yn gallu paru neu olrhain eich manylion, bydd y Cwmni Benthyciadau i Fyfyrwyr yn cysylltu â chi wedyn i egluro beth i’w wneud nesaf.

Os nad oes Rhif Yswiriant Gwladol gennych, caiff y Cwmni Benthyciadau i Fyfyrwyr ryddhau eich taliad cyntaf os ceir prawf eich bod wrthi’n ceisio cael Rhif Yswiriant Gwladol.

Bydd gofyn ichi gyflenwi amrywiaeth o ddogfennaeth i gefnogi eich cais. Os cawsoch eich geni yn y DU bydd gofyn ichi ddarparu eich tystysgrif geni wreiddiol (neu dystysgrif mabwysiadu) neu eich pasbort. Os cawsoch eich geni dramor, bydd gofyn ichi ddarparu eich pasbort cyfredol neu lythyr neu ddogfennau eraill a lenwyd gan rywun cyfrifol, sy’n cadarnhau gwybodaeth am eich genedigaeth. Bydd y ffurflen PN1 yn darparu manylion y dystiolaeth ategol sydd ei hangen oddi wrthych chi a’ch teulu. Gan ddibynnu ar eich amgylchiadau, efallai bydd eich ALl yn gofyn am dystiolaeth bellach gennych.

Os byddwch yn gwneud cais ar bapur, dylech anfon y ffurflen gais yn ogystal â thystiolaeth ategol o bwy ydych chi a/ neu incwm (fel yr amlinellir i chi ar eich cais) i’ch Awdurdod Lleol. Os byddwch yn ymgeisio ar-lein, dylech anfon eich tystiolaeth gyda’ch Rhif Cyfeirnod Cwsmer i’ch Awdurdod Lleol.

Os ydych chi’n gwneud cais am gyllid i fyfyrwyr nad yw’n gofyn am ddarparu unrhyw wybodaeth ariannol arall, 23 Ebrill 2010 yw’r dyddiad cau i gyflwyno’ch cais er mwyn sicrhau eich bod yn cael eich taliad cyntaf ar ddechrau’r tymor.

Os ydych chi’n gwneud cais am gyllid i fyfyrwyr sy’n gofyn am ddarparu gwybodaeth ariannol, 28 Mai 2010 yw’r dyddiad cau i gyflwyno’ch cais er mwyn sicrhau eich bod yn cael eich taliad cyntaf ar ddechrau’r tymor.

Dylech gofio ailedrych i sicrhau eich bod wedi amgáu’r holl dystiolaeth ofynnol - os na fyddwch chi’n gwneud hynny, efallai bydd oedi cyn prosesu eich cais.

Mae’n rhaid ichi ymgeisio am gymorth bob blwyddyn o’ch cwrs. Fodd bynnag, fel myfyriwr sy’n parhau, nid oes angen ichi gysylltu ag unrhyw un (ar yr amod eich bod wedi cael ffurflen erbyn y terfynau amser a roir isod). Bydd manylion sut i ymgeisio’n cael eu rhoi’n awtomatig i chi.

Os cyflwynwch eich cais ar ôl y dyddiad cau, hwyrach na chewch eich grant cyntaf neu’ch taliadau benthyciad ar ddechrau’ch cwrs.

Am y rheswm hwn, mae’n hanfodol ichi sicrhau bod gennym eich cyfeiriad cyswllt diweddaraf bob amser.

Y dyddiad cau ar gyfer ceisiadau am gyllid myfyrwyr yw 23 Ebrill 2010 er mwyn sicrhau y cewch eich taliad cyntaf ar ddechrau’r tymor.

Os byddwch yn colli’r dyddiad cau hwn, byddwch yn dal yn gallu ymgeisio hyd at naw mis ar ôl diwrnod cyntaf eich cwrs.

Pan fydd eich cymhwyster am gymorth yn cael ei asesu, bydd yr Awdurdod Lleol (ALl) yn ystyried yr Incwm Cartref, hynny yw, incwm y myfyriwr a’i rieni neu bartner. Os na fydd eich rhieni neu bartner yn darparu manylion eu hincwm, efallai na fyddwch chi’n cael cymorth gyda’ch ffioedd, grant y mae gennych hawl iddo, neu fwyafswm y benthyciad i fyfyrwyr sydd ar gael i chi.

Pan fydd eich noddwr yn darparu manylion ei incwm, bydd yn cael ei wahodd hefyd i gyflwyno dogfennaeth wreiddiol fel prawf incwm. Eglurir y pethau mae gofyn iddo eu hanfon pan fydd yn darparu manylion incwm cartref.

Gall eich noddwr ddarparu manylion ei incwm drwy:

• gyflwyno cais ar-lein
• llwytho ffurflen PFF1 neu PFF2 i lawr (gan ddibynnu a yw’n cefnogi myfyriwr newydd neu fyfyriwr sy’n parhau) o’r safle hwn
• cysylltu â’i Awdurdod Lleol i ofyn am ffurflen PFF1 neu PFF2

Bydd yr ALl yn edrych ar incwm eich noddwyr ar gyfer y flwyddyn ariannol flaenorol, ond os yw’r incwm wedi gostwng yn sylweddol (15% neu fwy) dylech roi gwybod i’r ALl a bydd yn adolygu incwm tebygol eich noddwyr ar gyfer y flwyddyn gyfredol yn hytrach.

Os bydd yr ALl yn penderfynu y dylent gyfrannu at eich ffioedd dysgu a chostau byw, bydd yn dweud wrthynt yn uniongyrchol.

Gellir cyflwyno cais am gymorth hyd at naw mis ar ôl diwrnod cyntaf eich cwrs.

Pan fydd eich Awdurdod Lleol wedi penderfynu ynghylch eich hawl i Gymorth i Fyfyrwyr, bydd yn anfon y wybodaeth hon ymlaen i Gyllid Myfyrwyr Cymru a fydd wedi yn ysgrifennu atoch chi i gadarnhau faint fydd yn cael ei dalu i chi a phryd (bydd hyn yn digwydd rhyw bythefnos cyn i’ch cwrs ddechrau). Mae’n bwysig nodi bod y dyddiadau a roir yn y llythyr hwn yn dibynnu arnoch chi’n cofrestru ar eich cwrs mewn pryd ac yn sicrhau bod manylion diweddaraf eich cyfrif banc gennym.

Os ydych wedi cyflenwi’r holl wybodaeth sydd ei hangen gyda’ch cais, gallwch ddisgwyl cael gwybod am eich hawl i gymorth rhwng chwech ac wyth wythnos ar ôl ichi ei chyflwyno.